Bláber og Bleiki pardusinn

Mánudagur 31. september 2009

Seinni partinn í dag fóru Magnús Árni og Inga í berjamó upp á Mosfellsheiði. Í kvöldmatnum í kvöld hér á heimilinu var boðið upp á guðdómlegan eftirrétt sem Magnús Árni fékk sjálfur að velja og útbúa: Nýtínd bláber með sykri og rjóma og heilsudrykkinn Bleika pardusinn sem Magnús bjó til í fyrsta heimilisfræðitímanum sínum í skólanum í dag  

Mynd dagsins er tekin við kvölmatarborðið í kvöld þegar verið er að gæða sér á eftirréttinum. Frá vinstri: Magnús Árni, Ágúst Logi og ég en Inga tók myndina að þessu sinni. Alltaf gaman þegar börnin eru sjálf að sjá um kvöldmatinn!

Athugasemdir

[Hólmfríður Pétursdóttir, 2.9.2009 kl. 13:27]

Þetta sannar það sem ég hef alltaf sagt. Að kenna heimilisfræði eru forréttindi. Það eru ekki margar greinar í grunnskóla, sem börnin fara beint heim eftir kennslu og endurtaka það sem var verið að kenna þeim.