Sól & grill, sól & grill, sól & .....

Föstudagur 10. júlí 2009

Er hægt annað en að slá upp grillveislu í svona veðri? Svarið er nei, svo við bara gerðum það. Í kvöld komu yfir til okkar nágrannarnir Halli og Ólína með börnin sín þrjú, Margeir, Jón Árna og Elísabetu Tinnu. Á grillið var skellt lambakjöti og grís. Þegar á kvöldið leið dró Inga fram ís og fleira gúmmolaði sem féll í góðan jarðveg. Tíminn leið hratt í góðra vina hópi en þegar leið á kvöldið bættust við vinafólk okkar, Jóhanna og Elvar. Áður en við vissum af var klukkan orðin tvö. Eins gott að barnanefndaryfirvöld sjái ekki þessa síðu því allir krakkarnir voru þá ennþá vakandi þó sumir væru orðnir dálítið þreyttir

Mynd dagsins er tekin á pallinum hjá okkur í kvöld, rétt áður en byrjað var að gæða sér á steikunum. Á myndinni eru frá vinstri: Halli, Jón Árni, Elísabet Tinna, Magnús Árni, Ágúst Logi, Inga og Ólína. Á myndina vantar unglinginn Margeir (og mig!). Mjög skemmtilegt kvöld í góðum félagsskap